O obxectivo deste cuestionario é coñecer as vosas preferencias e principais demandas formativas, de cara a establecer a programación e contidos do plan de formación 2025. Ademais, inclúense algunhas cuestións de tipo organizativo que nos resultan de gran utilidade para aliñar as modalidades, formatos, adicacións, etc., cas vosas preferencias. 

O cuestionario é anónimo. Moitas gracias pola túa colaboración.

A formación propia do Colexio de Arquitectos pretende ser unha formación especializada nas materias que forman parte do ámbito competencial directo dos arquitectos; específicamente orientada, deseñada e dirixida a dar cobertura ás necesidades dos arquitectos de Galicia. Por este motivo, descártanse cursos de contido "xeneralista" e estandarizado, e plantéxanse temáticas deseñadas para dar respostas concretas ás particularidades do noso colectivo. A continuación, propoñemos dúas modalidades de cursos: os cursos de actualización, organizados nunha serie de liñas formativas, e cursos de especialización, de maior duración formativa. No caso de que manifestedes que son do voso interese, podedes indicar os aspectos concretos que vos gustaría se desenvolvesen.

Desenvolve diferentes temáticas relacionadas co exercicio profesional do arquitecto, cun enfoque práctico en forma de talleres, dirixidos, tanto a arquitectos que inician a súa actividade, como a aqueles que xa a iniciaron e desexan actualizar ou complementar os seus coñecementos.

Desenvólvense nesta liña criterios de intervención e solucións para a intervención en edificacións existentes: rehabilitación, inpección, patoloxía e intervención, así como as actuacións encamiñadas á rehabilitación enerxética.

Desenvolve os aspectos fundamentais relacionados co uso deste material, as súas propiedades, definición construtiva e estrutural, patoloxía e novos materiais e sistemas construtivos.

Dentro desta liña desenvólvense as novedades e modificacións da normativa de aplicación no ámbito da edificación, e as súas implicacións no exercicio profesional así como na documentación técnica a elaborar polos arquitectos.

Desenvólvense dentro desta liña temática accións formativas relativas cos sitemas estrutural, envolvente e de acondicionamento e instalacións, tanto en obra nova como en intervencións en edificacións existentes.

Desenvolve materias relativas á ordenación do territorio, a planificación territorial e urbanística, os instrumentos de xestión e a intervención administrativa no proceso edificatorio. Tamén desenvólvese nesta liña as novedade e modificacións normativas relacionadas.

Esta liña abarca a formación relacioanda ca aplicación das TIC ao exercicio profesional do arquitecto. Así, engloba metodoloxía BIM, Sistemas de Información Xeográfica, e, en xeral, aspectos relacionados con metodoloxías baseadas nas tecnoloxías e análise de datos. Para a planificación das accións formativas desta liña teranse en conta tamén as respostas achegadas a través da enquisa...

Dende o COAG, temos vontade de ampliar a oferta de Cursos de Formación Especializada, que permitan un acercamento máis profundo a certos campos profesionais vencellados co mundo da arquitectura, e contarán cunha maior cantidade de horas lectivas que os cursos de actualización.